تساؤلات شائعة عند طلاب البكالوريا السوريين في مصر – طموح

طلاب البكالوريا ..
عندهم أسئلة وتساؤلات ..

فريق #طموح جمعلكن أجوبته بهالمنشور :

– أنا معي بكالوريا سورية بقدر عيد البكالوريا عالمصري؟

* اي بتقدر ..

– طيب أي أحسن سجل حكومي ولا منازل؟

* ما في فرق , بس طلاب المنازل بيدرسوا بالبيت وبتابعوا أمورهن مع الادارات التعليمية التي يتبعون لها وتكون لهم مراكز امتحانيّة خاصة بهم.

على عكس النظاميين الذين بيدرسوا بالمدارس الحكومية و بتابعوا امورهن عن طريق مدارسهم وتكون مراكزهم الامتحانية في نفس المدرسة أو مدرسة قريبة.

– ماشي شكراً ممكن تقلي كيف بسجل بكالوريا بمدرسة حكومية أو سجل بكالوريا منازل كيف الطريقة وشو الأوراق المطلوبة؟

* الأوراق المطلوبة للتسجيل بمدرسة حكومية:
1- صورة عن جواز السفر للطالب وولي الأمر

2 – شهادة ميلاد

3 – يفضل وجود شهادة التعليم الأساسي (التاسع) وشهادات دوام (جلاءات) للسنوات السابقة (أول وثاني ثانوي) وفي حال عدم توافرها يخضع الطالب لامتحان يحدد مستواه وفي أي صف يمكنه التسجيل.

* أما لطلاب المنازل:
من الإدارة التعلميّة قسم الثانوي المختص بطلاب المنازل منقدمله الأوراق:

1-اجراء امتحان تحديد مستوى للصف الثالث
الثانوي وتقديم ورقة النجاح به.
(بيعطوك ورقة الاتحاق مختومة من امدرسة وقسم الثانوي بالادارة التعليمية وختم وكيل الإدارة)

2-اخراج قيد.

3-شيك مصرفي باسم دعم وتمويل التعليم.

(الحصول عليه من البنك الأهلي أو بنك مصر حصراً وذلك بالدولار بما يقابل 35 جنيه مصري تقريباً (5 دولار) يضاف إليها عمولة للبنك مقدارها 15 دولار)
– وايمتا وقت التسجيل للمنازل؟

عادة من منتصف اذار وحتى نهاية نيسان ويفضل مراجعة المدرسة من 1 اذار للاطلاع على القرارات الجديد الخاصة بالطلبة الوافدين ولتجهيز واستكمال الأوراق الخاصة بالطالب لو كان فيها نقص ..
– ومشان الأعفاء من اللغة الثانية (الفرنسي) شو عندكن فكرة؟

* ما بؤثر عالمجموع أبداً بس بصير مجموعك من 370 بدل 410

ولكن في حال عدم وجود اعفاء تكون كل 4.1 درجة تعادل 1% بينما في حالة وجود اعفاء كل 3.7 درجة تمثل 1%.

ملاحظة: بعض الكليات يحرم منها الطالب الذي قدم على الاعفاء لأنها تعتمد على اللغة الثانية مثل كلية الحقوق (تتطلب لغة فرنسية) وبعض اختصاصات الألسن …

ويمكن الحصول على الإعفاء عن طريق الإدارة التعليمية حيث يقوم الطالب بإحضار صورة عن جواز السفر (لإثبات أنه سوري) وإثبات قيد من المدرسة ويتم بعد ذلك الحصول على الإعفاء وتقديمة للمدرسة ليضاف إلى ملف الطالب.

أما بالنسبة لطلاب المنازل:
من المشرف المسؤول عن استمارات طلاب المنازل ويختم من قبل شئون الطلبة في الإدارة التعليمية وختم المدرسة والكونترول المسؤول عن الإدارة.

– طيب شكراً كثير فريق #طموح ولسه عندي أسئلة , لو نجحت بمجموع قليل وبدي عيد البكالوريا ممكن؟

* لا غير ممكن , فالدرجة التي يحصل عليها الطالب هي الدرجة الوحيدة التي يستحقها ولا يمكن التراجع عنها. وحتا لو رسب
فإنه يعيد في السنة التالية المواد التي رسب بها فقط في الدورين الأول والثاني.

(وعلى ذلك يمكن لطالب الثانوية أن يمتحن على سنتين حيث يقوم بترسيب نفسه في مواد معينة بهدف تأجيلها للسنة التالية وهي طريقة تحرق العمر والجهد ولا ننصح بها أبداً)

ملاحظة:
يمكن لمن نجح بالبكالوريا المصري وما جاب المجموع يلي بده ياه يعيدها عالمنهاج السوداني (في بوست قريب بخصوصها)

– شو يعني دور ثاني تكميلية مثل سوريا يعني؟

* لا , الدور الثاني للطلاب الذين رسبوا في المادة حصراً ويتم احتساب 50% من الدرجة الكاملة فقط حتى لو جاب العلامة التامة (الا في حالات خاصة جداً).

– طيب بقولوا الدراسة بالمنهج المصري صعبة نوعاً ما , فريقكن #طموح شو ممكن يفيدنا؟

* أول شي ماف شي صعب والدليل زملائكن يلي تفوقوا العام الماضي 2015 أكثر من 66 طالب وطالبة رفعوا راسنا وتفوقوا ..

ثاني شي (انتبهوا):
فريق #طموح بالفترة الجاي رح يستقبلكن بسنترات خاصة (مجانية تماماً للسوريين) وحالياً المشروع رح يتطبق بأكتوبر و القاهرة و دمياط والإسكندرية ..

والأهم من هيك فريقنا رح يقدملكن النصح طوال السنة بحكم خبرة فريقنا (و المتطوعين أغلبهن خريجين أو عم يدرسوا في الجامعات المصرية) , و ممكن تتواصلوا معنا لتأمينكن بمجموعات دروس تقوية مشرف عليها من عنا بالتعاون مع مدرسين قديرين (سوريين ومصريين) , وأكيد بامكانكن تراسلونا تحطو الاسم والعنوان والمادة المطلوبة لحتى نخبركن بكل جديد حول الموضوع (الأفضلية للي بسجل أول) ..

(هالشي عملناه بعد ما عم نسمع كثير صعوبات بحكم المكان و كثرة البحث عن اساتذة وكثرة تبديلهن وبعضهن عم يطلب مبالغ مالنا طاقة فيها ..)

– طيب أنا بصراحة وضعي صعب وعم اشتغل وما عندي قدرة آخذ دروس بالمجموعات او السناتر , شو الحل؟

* الحل في مواقع الكترونية بتقدم شرح كامل للمنهاج مثل:

Cairo Dar
Nafham

وبعدين فيك تلتحق بأهم الدروس فقط بالمواد
وأكيد كل شي حاسبين حسابه معكن ..

والأكيد كمان , إنو فريقنا بخدمتكن طول الوقت , أي استفسار أو نصيحة , بكل ما يتعلق بالمنهاج (أي مشكلة بالتسجيل أو الالتحاق بالمجموعات ..) ..

بالتوفيق للجميع

 

قسم التعليم 

فريق طموح – خدمات للسوريين