الرئيسية / خدمات / كيف تساعد المفوضية في اعطاء المساعدات للمستحق – طموح

كيف تساعد المفوضية في اعطاء المساعدات للمستحق – طموح

المفوضية تقول دائما:
(تماشيا مع الدراسة المستمرة من المفوضية لاحتياجات الأسر السورية في مصر، تقوم المفوضية كل شهر بتحديد الأسر الأكثر احتياجا الجدد الذين تم إضافتهم إلى برنامج المساعدة المادية الخاصة بالمفوضية.
المفوضية حاليا قادرة على توفير المساعدة المادية لمدة ستة أشهر. يتم بعدها اعادة دراسة وضع الأسرة)
وبناء على هالكلام في ناس عم تنظلم لأنو التقييم أحيانا مابكون دقيق , وكتار منكن مو متفائلين بهالحكي .
نصيحتنا الكن:

1- نصيحتنا للمستحق وماعم يحصل عالمساعدة:
في حال حصل أي تغيير بوضع الأسرة مباشرة ابلاغ المفوضية من خلال رقم هاتفهن 0227285699 والحرص على شرح حالتكن بطريقة صحيحة بعيدا عن الترجي و الاستجداء والتركيز على الأمور يلي فعلا تغيرت بوضعكن من آخر مقابلة عملتوها مع المفوضية.
كيف يعني ؟؟؟
مثال:
يعني في حال رب الأسرة فقد عملوا لأي سبب ,يقوم بالاتصال مباشرة وابلاغ المفوضية انو تم فصلو من عملو مع ذكر السبب.
أو :
في حال أحد أفراد الأسرة عمل عملية وفيها تكاليف, كمان بيتصل فيهن وبخبرن.

أو في حالة الطلاق , بحيث يصبح أحد الأبوين وحيدا مع أولاده وهذا يعتبر تغير كبير في وضع العائلة, فهنا أيضا اتصل وأبلغهم بهدوء.
وكتير أمثلة تانية عالتغيرات.
وفي حال حسيتو هالشي مو كتير نفع , في منظمات بتساعد انو توصل صوتكن ووضعكن مثل منظمة سانت اندروز لخدمات اللاجئين (ادخلو على صفحتن وتعرفوا على طبيعة عملهن وعنوانهن وساعات عملهن), ممكن يساعدوكن بتحصيل بعض المساعدات في حال كنتم مستحقسن لها , وقد نجحو في مرات عديدة في ذلك
بهالحالة بتكونوا ساهمتوا بشكل كبير انو المفوضية تعرف وضعكن و شو عم يصير معكن وتكون قادرة توزع المساعدات بشكل أكثر عدلا.
رقم المفوضية 0227285699 وهالرقم شغال من الساعة 9 صباحا حتى 2:30 ظهرا من الأحد للخميس , وبس ترنو بيطلعلكن مجيب آلي وممكن تنطروا عالخط شوي (أحيانا ممكن تنطرو 20 دقيقة) بس بالآخر الموظف برد حتى لو طول شوي .

2- نصيحتنا لغير المستحقين ويأخذون:

أخي السوري اذا كان وضعك المادي منيح وعم تاخد قسائم غذائية أو راتب شهري , ياريت تستلم المساعدة وتعطيها لأي عيلة سورية بتعرف وضعها صعب أو على الأقل شاركهم بجزء من مساعداتك, لأنو عالأغلب هي المساعدات من حقهن مو من حقك, وياريت ماتزعل من كلامنا لأنو كل يلي عم نطلبو منك تعطي المساعدة لمن يستحقها وما عم نطلب منك تخبر المفوضية أو ترجع المساعدة للمفوضية , انت سلمها بإيدك لمن يستحقها, خلونا نساعد بعض قبل ما نطلب مساعدة الغير

انشالله هالمنشور يكون قدر يشرح شي ويوصل شي , ونحنا جاهزين نرد على استفساراتكن بالتعليقات بس ياريت تقرؤوا المنشور منيح منييييييييييح قبل متسألوا أي شي.

انتظرونا دائما بنصائح حول هالموضوع, وسامحونا اذا كلامنا زعل حدا, وتذكروا انو الحق مابينزعل منو.

كما يمكنكم قراءة مقالنا عن النصائح الهامة التي يجب عليكم اتباعها لتكونو قادرين ومؤهلين على الحصول على مساعدات المفوضية بمافيها الغذائية والمالية واعادة التوطين من هنا

بالتوفيق من فريق طموح – خدمات للسوريين

التعليقات

التعليقات

اترك رد